"Roma"ning sobiq bosh murabbiyi Daniele de Rossi A Seriya klubini boshqarishi mumkin, deya xabar bermoqda insayder Nikolo Skira.
Manbaga ko‘ra, 41 yoshli mutaxassisga "Kremoneze"da murabbiylik qilish taklif qilingan.
De Rossi o‘tgan yilning sentyabrida 4 turdan so‘ng "Roma" bosh murabbiyligidan iste’foga chiqarilgan edi. U 2024 yilning yanvaridan buyon jamoani boshqarib kelayotgandi.
"Kremoneze" 2024/25 yilgi mavsum yakunlariga ko‘ra B Seriyada 4-o‘rinni egalladi, bu esa klubga pley-offda ishtirok etish huquqini berdi, jamoa pley-off finalida "Spesiya"ni mag‘lub etib, A Seriyaga yo‘l oldi.
Jamoa so‘nggi marta 2022/23 yilgi mavsumda elitada o‘ynagan.
