"Рома"нинг собиқ бош мураббийи Даниэле де Росси А Серия клубини бошқариши мумкин, дея хабар бермоқда инсайдер Николо Скира.

Манбага кўра, 41 ёшли мутахассисга "Кремонезе"да мураббийлик қилиш таклиф қилинган.

Де Росси ўтган йилнинг сентябрида 4 турдан сўнг "Рома" бош мураббийлигидан истеъфога чиқарилган эди. У 2024 йилнинг январидан буён жамоани бошқариб келаётганди.

"Кремонезе" 2024/25 йилги мавсум якунларига кўра Б Серияда 4-ўринни эгаллади, бу эса клубга плей-оффда иштирок этиш ҳуқуқини берди, жамоа плей-офф финалида "Специя"ни мағлуб этиб, А Серияга йўл олди.

Жамоа сўнгги марта 2022/23 йилги мавсумда элитада ўйнаган.