"Lasio" sport direktori Anjelo Fabiani "Napoli" vinger Mattia Dzakkaniga qiziqish bildirayotganini tasdiqladi, biroq rimliklar uni sotish niyatida emasligini ta’kidladi.
"Bilaman, u Konte va Mannaga (neapolliklar sport direktori - tahr.) juda yoqadi, ammo biz u bilan xayrlashish niyatimiz yo‘q. Men bu haqda bir necha oy oldin gapirgan edim.
Biz tarkibni yoshartirish va rejalashtirish jarayonini boshladik va eng yaxshi o‘yinchilarimizni sotish mantiqsiz bo‘lardi. Bizning fikrimiz o‘zgarmaydi," - dedi Fabiani Nonsolomercato ko‘rsatuvi efirida.
Italiya terma jamoasining 30 yoshli futbolchisi 2021 yilning avgustidan buyon rimliklar safida to‘p tepib kelmoqda.
Bu vaqt ichida u 163 ta o‘yinda 32 ta gol urdi va 33 ta golli uzatmani amalga oshirdi.
