"Лацио" спорт директори Анжело Фабиани "Наполи" вингер Маттиа Дзакканьига қизиқиш билдираётганини тасдиқлади, бироқ римликлар уни сотиш ниятида эмаслигини таъкидлади.

"Биламан, у Конте ва Маннага (неаполликлар спорт директори - таҳр.) жуда ёқади, аммо биз у билан хайрлашиш ниятимиз йўқ. Мен бу ҳақда бир неча ой олдин гапирган эдим.

Биз таркибни ёшартириш ва режалаштириш жараёнини бошладик ва энг яхши ўйинчиларимизни сотиш мантиқсиз бўларди. Бизнинг фикримиз ўзгармайди," - деди Фабиани Nonsolomercato кўрсатуви эфирида.

Италия терма жамоасининг 30 ёшли футболчиси 2021 йилнинг августидан буён римликлар сафида тўп тепиб келмоқда.

Бу вақт ичида у 163 та ўйинда 32 та гол урди ва 33 та голли узатмани амалга оширди.