"Arsenal" va "Chelsi" o‘z tarkibini kuchaytirish imkoniyatlarini o‘rganmoqda. Daily Mail nashri xabariga ko‘ra, "kanonirlar" va "ko‘klar" "Aston Villa"ning hujumkor yarim himoyachisi Morgan Rojersni diqqat bilan kuzatib borishmoqda.
2024/2025 yilgi mavsumda Morgan Rojers 54 ta o‘yin o‘tkazib, 14 ta gol urdi va 15 ta golli uzatmani amalga oshirgan. Transfermarkt portali ekspertlari 22 yoshli futbolchini 55 million yevroga baholamoqda. "Aston Villa" Premyer-ligada oltinchi o‘rinni egalladi va keyingi mavsum uchun Yevropa ligasiga yo‘llanma oldi.
