Madridning "Real" klubi bosh murabbiyi Xabi Alonso transfer mish-mishlarida nomi tez-tez tilga olinayotgan hujumchi Rodrigo Goesning hozirgi holati haqida gapirdi.
"Mavsum yakuni unga og‘ir keldi, yashirmayman. Rodrigo ham jismonan, ham ruhan tiklanishi uchun vaqt kerak bo‘ldi. Lekin u hamon o‘zining ahamiyatini isbotlash ishtiyoqida yonayotganini ko‘rib turibman. Bu haqiqatan ham yuqori darajadagi o‘yinchi. Biz detallar ustida ishladik va endi u oldinga chiqib, maydonda hamma narsani amalga oshirishi kerak bo‘lgan vaqt keldi," - dedi Alonso matbuot anjumanida.
OAV ma’lumotlariga ko‘ra, braziliyalik vingerga bir vaqtning o‘zida bir necha ingliz grandlari - "Arsenal," "Chelsi" va "Manchester Siti" qiziqish bildirmoqda. Biroq, Rodrigoning o‘zi hamon "Real" bilan 2028 yil yozigacha mo‘ljallangan shartnomaga ega va Transfermarkt ma’lumotlariga ko‘ra, uning transfer narxi 90 mln yevroga baholanmoqda.
