Мадриднинг "Реал" клуби бош мураббийи Хаби Алонсо трансфер миш-мишларида номи тез-тез тилга олинаётган ҳужумчи Родриго Гоэснинг ҳозирги ҳолати ҳақида гапирди.
"Мавсум якуни унга оғир келди, яширмайман. Родриго ҳам жисмонан, ҳам руҳан тикланиши учун вақт керак бўлди. Лекин у ҳамон ўзининг аҳамиятини исботлаш иштиёқида ёнаётганини кўриб турибман. Бу ҳақиқатан ҳам юқори даражадаги ўйинчи. Биз деталлар устида ишладик ва энди у олдинга чиқиб, майдонда ҳамма нарсани амалга ошириши керак бўлган вақт келди," - деди Алонсо матбуот анжуманида.
ОАВ маълумотларига кўра, бразилиялик вингерга бир вақтнинг ўзида бир неча инглиз грандлари - "Арсенал," "Челси" ва "Манчестер Сити" қизиқиш билдирмоқда. Бироқ, Родригонинг ўзи ҳамон "Реал" билан 2028 йил ёзигача мўлжалланган шартномага эга ва Transfermarkt маълумотларига кўра, унинг трансфер нархи 90 млн еврога баҳоланмоқда.
