Londonning "Chelsi" klubi forvardi Nikolas Jekson yozgi transferlar davrida poytaxt jamoasini tark etishi mumkin. Bu haqda ijtimoiy tarmoqdagi Blue_Footy akkaunti xabar bermoqda.
Jurnalistlar xabariga ko‘ra, senegallik hujumchining xizmatlariga APLning yana bir vakili - Birmingemning "Aston Villa" klubi qiziqish bildirmoqda. Futbolchini o‘z jamoasi safiga qo‘shib olishni ispaniyalik mutaxassis Unai Emeri istamoqda.
O‘tgan mavsumda Jekson "aristokratlar" safida 30 ta o‘yin o‘tkazdi. 23 yoshli hujumchi o‘z hisobiga o‘nta gol va beshta golli uzatmani yozdirib qo‘ygan.













