"Manchester Yunayted" Brayan Mbeumoning transferi ustida ishlashda davom etmoqda va ushbu transferlar oynasida "Brentford"ning yulduz vingerini o‘z safiga qo‘shib olishiga ishonmoqda.
Bu haqda CBS Sports jurnalisti Ben Jeykobs xabar bermoqda. Uning ma’lumotiga ko‘ra, Mbemo "Brentford"da yaqindan hamkorlik qilgan mutaxassis - Tomas Frank "Tottenxem" bosh murabbiyi etib tayinlanganiga qaramay, futbolchining o‘zi hamon "Old Trafford"ga o‘tish tarafdori.
Londonliklar haqiqatan ham Frank kelganidan keyin futbolchiga bo‘lgan qiziqishni oshirdi, ammo hozircha 25 yoshli kamerunlik uchun ustuvorlik o‘zgarmayapti - "MYU"ga o‘tish. Klublar o‘rtasidagi muzokaralar hali yakuniy bosqichga chiqmagan, ammo konstruktiv ruhda davom etmoqda. "Yunayted" ushbu kelishuvni mavsumoldi tayyorgarlikning ikkinchi davri boshlanguniga qadar yakunlash niyatida.
