"Манчестер Юнайтед" Брайан Мбеумонинг трансфери устида ишлашда давом этмоқда ва ушбу трансферлар ойнасида "Брентфорд"нинг юлдуз вингерини ўз сафига қўшиб олишига ишонмоқда.
Бу ҳақда CBS Sports журналисти Бен Жейкобс хабар бермоқда. Унинг маълумотига кўра, Мбемо "Брентфорд"да яқиндан ҳамкорлик қилган мутахассис - Томас Франк "Тоттенхэм" бош мураббийи этиб тайинланганига қарамай, футболчининг ўзи ҳамон "Олд Траффорд"га ўтиш тарафдори.
Лондонликлар ҳақиқатан ҳам Франк келганидан кейин футболчига бўлган қизиқишни оширди, аммо ҳозирча 25 ёшли камерунлик учун устуворлик ўзгармаяпти - "МЮ"га ўтиш. Клублар ўртасидаги музокаралар ҳали якуний босқичга чиқмаган, аммо конструктив руҳда давом этмоқда. "Юнайтед" ушбу келишувни мавсумолди тайёргарликнинг иккинчи даври бошлангунига қадар якунлаш ниятида.
