Xabi Alonso “Real” boshqaruvidagi debyutini durang bilan o‘tkazdi – klublar o‘rtasidagi jahon chempionatining birinchi turida uning jamoasi “Al-Hilol” bilan 1:1 hisobida durang o‘ynadi.
Bu natija 43 yoshli mutaxassisni Joze Mourinyo va Rafael Benitesning saflariga qo‘shdi - ularning barchasi XXI asrda "Real" boshqaruvida o‘tkazilgan birinchi rasmiy uchrashuvida g‘alaba qozona olmagan.
Bu haqda Opta Sport xabar berdi. Mourinyo 2010 yilda “Malyorka”ga qarshi o‘yinni golsiz durang bilan boshlagan bo‘lsa, 2015 yilda Benites jamoasi “Sporting Xixon” himoyasini yorib o‘ta olmadi – 0:0.
