Madridning "Real" klubi o‘ng qanot himoyachisi Trent Aleksandr-Arnold klublar o‘rtasidagi jahon chempionatida "Al-Hilol"ga qarshi o‘yinda (1:1) jamoa safida debyut qildi.
Angliyalik futbolchi "qaymoqranglilar" safida asosiy tarkibda maydonga tushdi va 65-daqiqada Lukas Vaskesga almashtirildi.
"Men har doim o‘yinda g‘alaba qozona olmaganimda hafsalam pir bo‘ladi. "Real" futbolchisida aynan shunday mentalitet bo‘lishi kerak - bu yerda siz har bir o‘yinda g‘alaba qozonishingiz, o‘z oldingizga shunday maqsad qo‘yishingiz shart. Menimcha, deyarli har bir futbolchi "Real"da debyut qilishni orzu qiladi. Bugun men buni qildim, bu men uchun juda muhim," - deya Trentning o‘yindan keyingi intervyusidan iqtibos keltiradi Madrid Universal.
