Мадриднинг "Реал" клуби ўнг қанот ҳимоячиси Трент Александр-Арнольд клублар ўртасидаги жаҳон чемпионатида "Ал-Ҳилол"га қарши ўйинда (1:1) жамоа сафида дебют қилди.

Англиялик футболчи "қаймоқранглилар" сафида асосий таркибда майдонга тушди ва 65-дақиқада Лукас Васкесга алмаштирилди.

"Мен ҳар доим ўйинда ғалаба қозона олмаганимда ҳафсалам пир бўлади. "Реал" футболчисида айнан шундай менталитет бўлиши керак - бу ерда сиз ҳар бир ўйинда ғалаба қозонишингиз, ўз олдингизга шундай мақсад қўйишингиз шарт. Менимча, деярли ҳар бир футболчи "Реал"да дебют қилишни орзу қилади. Бугун мен буни қилдим, бу мен учун жуда муҳим," - дея Трентнинг ўйиндан кейинги интервьюсидан иқтибос келтиради Madrid Universal.