"Kristal Pelas" vingeri Eberechi Eze "Bavariya"ning yozgi transfer maqsadlari qatoriga kiradi.
Florian Virs uchun "Liverpul"ga yutqazgandan so‘ng, "Bavariya" hujum chizig‘ini kuchaytirish uchun Eze muqobil transfer maqsadlariga aylandi.
ESPN nashri xabariga ko‘ra, "Milan"dan Rafael Leau, "Atletik"dan Niko Uilyams, "PSJ"dan Bredli Barkola va Eze "Bavariya"ning nomzodlar ro‘yxatidan joy olgan.
"Bavariya" o‘tgan yozda 51 million funt sterling evaziga Maykl Oliseni sotib olgan "Kristal Pelas" bilan yaxshi munosabatda. Ushbu xarid Myunxen klubiga Bundesliga chempionligini qaytarib olishga yordam berib, katta muvaffaqiyat bo‘ldi.
26 yoshli Eze "Pelas" tarkibida ajoyib mavsumni o‘tkazdi, Premyer-ligada sakkizta gol urdi va sakkizta golli uzatmani amalga oshirdi, shuningdek, "burgutlar" bilan Angliya kubogini qo‘lga kiritdi.













