"Кристал Пэлас" вингери Эберечи Эзе "Бавария"нинг ёзги трансфер мақсадлари қаторига киради.
Флориан Вирц учун "Ливерпул"га ютқазгандан сўнг, "Бавария" ҳужум чизиғини кучайтириш учун Эзе муқобил трансфер мақсадларига айланди.
ESPN нашри хабарига кўра, "Милан"дан Рафаэль Леау, "Атлетик"дан Нико Уильямс, "ПСЖ"дан Бредли Баркола ва Эзе "Бавария"нинг номзодлар рўйхатидан жой олган.
"Бавария" ўтган ёзда 51 миллион фунт стерлинг эвазига Майкл Олисени сотиб олган "Кристал Пэлас" билан яхши муносабатда. Ушбу харид Мюнхен клубига Бундеслига чемпионлигини қайтариб олишга ёрдам бериб, катта муваффақият бўлди.
26 ёшли Эзе "Пэлас" таркибида ажойиб мавсумни ўтказди, Премьер-лигада саккизта гол урди ва саккизта голли узатмани амалга оширди, шунингдек, "бургутлар" билан Англия кубогини қўлга киритди.
