"Atletiko" "Zenit"ning sobiq hujumchisini sotib olishi mumkin.

Madrid klubi "Tigres"ga o‘tmoqchi bo‘lgan Anxel Korreaga o‘rinbosar izlab, bozorni o‘rganmoqda, deb yozadi AS. Xususan, "Atletiko" "Korintians"dan Yuri Alberto nomzodini ko‘rib chiqmoqda.

Aprel oyining o‘rtalarida futbolchining atrofidagilar bilan ilk aloqalar o‘rnatilgan va ular klublar o‘rtasidagi jahon chempionatidan keyin qayta tiklanishi kutilmoqda. Braziliyalikning foydasiga shuni aytish mumkinki, u "Atletiko" direktorlar kengashi tomonidan qo‘yiladigan talablarga javob beradi: u yaxshi va arzon futbolchi hisoblanadi.

Albertoning transfer narxi yozda 20 million yevroga baholanmoqda. Avvalroq, "Zenit" hujumchiga bo‘lgan iqtisodiy huquqlarning 50 foizini o‘zida saqlab qolgani xabar qilingandi.

Shuningdek, Yuriga "Roma" va "Everton" ham qiziqish bildirmoqda.