"Bavariya" vingeri Serj Gnabri kelajagi haqidagi savolga javob berdi. 29 yoshli germaniyalik Myunxen grandining tez orada ketishi aytilayotgan futbolchilari qatorida bor.
"Men so‘nggi bir necha yil davomida aytganimdek, agar men biror narsani e’lon qilsam, siz bu haqda bilib olasiz. "Bavariya"da o‘zimni yaxshi his qilyapman. Menga bu jamoada o‘ynash, uning bir qismi bo‘lish yoqadi. Qolgan hamma narsa haqida - ko‘ramiz," - deya Gnabrining so‘zlarini keltiradi jurnalist Kerri Xau.
Futbolchi joriy mavsumda Vensan Kompani jamoasi safida 43 ta o‘yinda 7 ta gol va 9 ta golli uzatmaga mualliflik qilgan.
