"Бавария" вингери Серж Гнабри келажаги ҳақидаги саволга жавоб берди. 29 ёшли германиялик Мюнхен грандининг тез орада кетиши айтилаётган футболчилари қаторида бор.

"Мен сўнгги бир неча йил давомида айтганимдек, агар мен бирор нарсани эълон қилсам, сиз бу ҳақда билиб оласиз. "Бавария"да ўзимни яхши ҳис қиляпман. Менга бу жамоада ўйнаш, унинг бир қисми бўлиш ёқади. Қолган ҳамма нарса ҳақида - кўрамиз," - дея Гнабрининг сўзларини келтиради журналист Кэрри Хау.

Футболчи жорий мавсумда Венсан Компани жамоаси сафида 43 та ўйинда 7 та гол ва 9 та голли узатмага муаллифлик қилган.