Madridning "Atletiko" klubi yarim himoyachisi Pablo Barrios klublar o‘rtasidagi jahon chempionati guruh bosqichi 2-turidan o‘rin olgan "Sietl Saunders"ga (3:1) qarshi o‘yindan so‘ng o‘z hissiyotlari bilan o‘rtoqlashdi.
22 yoshli futbolchi dubl qayd etib, uchrashuv qahramoniga aylandi. "Matraschilar"ning uchinchi to‘pini Aksel Vitsel kiritdi.
- Murabbiylar har doim mendan tez-tez oldinga borishni so‘rashadi - bugun bu ish berdi. Jamoaga yordam berganimdan xursandman. O‘ylaymanki, biz kuchli o‘yin o‘tkazdik va bundan ham ko‘proq gol urishimiz mumkin edi. Bunday formatdagi turnirlarda barchasi ikkala jarima maydonchasida hal qilinadi. Raqib darvozasi oldida keskinroq harakat qilishimiz kerak - bu muvaffaqiyat kaliti," - deya Barriosning so‘zlarini keltiradi FIFA rasmiy sayti.













