Мадриднинг "Атлетико" клуби ярим ҳимоячиси Пабло Барриос клублар ўртасидаги жаҳон чемпионати гуруҳ босқичи 2-туридан ўрин олган "Сиэтл Саундерс"га (3:1) қарши ўйиндан сўнг ўз ҳиссиётлари билан ўртоқлашди.
22 ёшли футболчи дубль қайд этиб, учрашув қаҳрамонига айланди. "Матрасчилар"нинг учинчи тўпини Аксел Витсел киритди.
- Мураббийлар ҳар доим мендан тез-тез олдинга боришни сўрашади - бугун бу иш берди. Жамоага ёрдам берганимдан хурсандман. Ўйлайманки, биз кучли ўйин ўтказдик ва бундан ҳам кўпроқ гол уришимиз мумкин эди. Бундай форматдаги турнирларда барчаси иккала жарима майдончасида ҳал қилинади. Рақиб дарвозаси олдида кескинроқ ҳаракат қилишимиз керак - бу муваффақият калити," - дея Барриоснинг сўзларини келтиради ФИФА расмий сайти.
