Londonning “Arsenal” klubi Bilbaoning “Atletik” klubi vingeri Niko Uilyams uchun kurashdan chiqdi.
Ma’lumki, ispaniyalik futbolchi "Barselona"ga o‘tmoqchi va Kataloniya klubi bilan og‘zaki kelishuvga erishgan.
Ayni paytda, jurnalist Gari Jeykobsning xabar berishicha, "kanonirlar" uzoq vaqtdan beri o‘zlarining transfer maqsadi hisoblangan Uilyamsni qo‘lga kiritish g‘oyasidan voz kechishdi.
Asosiy sabab futbolchining maosh talabi bo‘lib, "Arsenal" buni ortiqcha deb hisoblagan. Agar transfer amalga oshsa, futbolchi "Barselona"da haftasiga taxminan 350 ming yevro ishlab oladi. Shu bilan birga, manbaga ko‘ra, londonliklar "Atletik" yulduzining shartnomasida ko‘rsatilgan 58 million yevrolik tovon pulini faollashtirishga tayyor edi.













