Лондоннинг “Арсенал” клуби Бильбаонинг “Атлетик” клуби вингери Нико Уильямс учун курашдан чиқди.
Маълумки, испаниялик футболчи "Барселона"га ўтмоқчи ва Каталония клуби билан оғзаки келишувга эришган.
Айни пайтда, журналист Гари Жейкобснинг хабар беришича, "канонирлар" узоқ вақтдан бери ўзларининг трансфер мақсади ҳисобланган Уильямсни қўлга киритиш ғоясидан воз кечишди.
Асосий сабаб футболчининг маош талаби бўлиб, "Арсенал" буни ортиқча деб ҳисоблаган. Агар трансфер амалга ошса, футболчи "Барселона"да ҳафтасига тахминан 350 минг евро ишлаб олади. Шу билан бирга, манбага кўра, лондонликлар "Атлетик" юлдузининг шартномасида кўрсатилган 58 миллион евролик товон пулини фаоллаштиришга тайёр эди.
