Superliga 13-turi doirasidagi «Andijon» va «Qizilqum» uchrashuvining 40-daqiqasida «Qizilqum» futbolchisi darvoza tomon zarba berdi. Bu vaziyatda to‘p darvoza chizig‘i tomon harakatlandi va «Andijon» futbolchisi tomonidan to‘xtatildi.

Bosh hakam yordamchi va VAR hakami bilan holatni ko‘rib chiqdi. Yakunda bosh hakam to‘p darvoza chizig‘ini to‘liq kesib o‘tmagani uchun ushbu vaziyatda gol inobatga olinmadi.

Ekspert hakamlar guruhi futbol qoidalariga asosan vaziyatni tahlil qilib chiqdi va to‘p to‘liq chiziqni kesib o‘tmagani sababli, gol inobatga olinmagani to‘g‘ri qaror ekanligini ta’kidladi.