"Manchester Yunayted" Markus Reshfordni sotish bo‘yicha muzokaralarda oldinga siljiy olmayapti - "Manchester Evening News" nashrining yozishicha, bunga asosiy to‘siq futbolchining yuqori maoshi.
Jurnalist Samyuel Lakxerstning ma’lum qilishicha, "Aston Villa"dagi ijaradan qaytgan ingliz moliyaviy masalada yon bosmoqchi emas. Uning "Old Trafford"dagi yillik maoshi 18 million yevrodan oshadi - potensial xaridorlarning aksariyati bu summani to‘lay olishga tayyor emas. Reshfordning klub bilan shartnomasi 2028 yilgacha amal qiladi, futbolchining o‘zi esa faoliyatidagi pasayishga qaramay, foydali shartlardan voz kechishni rejalashtirmayapti.
Avvalroq, OAVda unga "Barselona"dan qiziqish borligi aytilgandi, ammo hozirgi voqelik fonida transfer amalga oshishi dargumon. Shu tariqa, "MYU" qiyin ahvolga tushib qoldi: klub Reshford uchun Amorim boshchiligidagi loyihada kelajakni ko‘rmayapti, ammo uning qimmat shartnomasi tufayli undan ajrala olmaydi.
