"Манчестер Юнайтед" Маркус Рэшфордни сотиш бўйича музокараларда олдинга силжий олмаяпти - "Manchester Evening News" нашрининг ёзишича, бунга асосий тўсиқ футболчининг юқори маоши.

Журналист Самюэль Лакхерстнинг маълум қилишича, "Астон Вилла"даги ижарадан қайтган инглиз молиявий масалада ён босмоқчи эмас. Унинг "Олд Траффорд"даги йиллик маоши 18 миллион евродан ошади - потенциал харидорларнинг аксарияти бу суммани тўлай олишга тайёр эмас. Рэшфорднинг клуб билан шартномаси 2028 йилгача амал қилади, футболчининг ўзи эса фаолиятидаги пасайишга қарамай, фойдали шартлардан воз кечишни режалаштирмаяпти.

Аввалроқ, ОАВда унга "Барселона"дан қизиқиш борлиги айтилганди, аммо ҳозирги воқелик фонида трансфер амалга ошиши даргумон. Шу тариқа, "МЮ" қийин аҳволга тушиб қолди: клуб Рэшфорд учун Аморим бошчилигидаги лойиҳада келажакни кўрмаяпти, аммо унинг қиммат шартномаси туфайли ундан ажрала олмайди.