"Tottenxem" "Vest Xem" hujumkor yarim himoyachisi Muhammad Kudusning transferiga qiziqish bildirmoqda, deb xabar beradi Goal.com.

Manbaga ko‘ra, 24 yoshli ganalik yozgi transfer oynasida boshqa klubga o‘tishi mumkin. Bungacha futbolchiga "Nyukasl" va "Chelsi" klublari qiziqish bildirayotgan edi. Daily Mail nashrining yozishicha, futbolchining shartnomasida taxminan 101 million yevro miqdoridagi tovon puli bor.

Yarim himoyachining amaldagi shartnomasi 2028 yilning 30 iyuniga qadar mo‘ljallangan. Transfermarkt portali futbolchining transfer qiymatini 45 million yevroga baholagan.

2024/25 yilgi mavsumda Kudus barcha musobaqalarda 35 ta o‘yinda maydonga tushib, 5 ta gol urdi va 4 ta golli uzatmani amalga oshirdi.