"Barselona" hujumchi Ansu Fatiga oid rejalarini aniqlab oldi. Ispaniyalik futbolchini "Monako" o‘z safiga qo‘shib olmoqchi edi, biroq muzokaralar boshi berk ko‘chaga kirib qoldi va butunlay barbod bo‘lish arafasida. Biroq, Marca xabariga ko‘ra, "Barselona"ning fikricha, transfer hali amalga oshishi mumkin - oy oxirigacha yangi muzokaralar bo‘lib o‘tadi. Agar Fati "Monako"ga bormasa, unga boshqa klub topiladi, deydi manba. "Ko‘k-anorranglilar" rahbariyati futbolchi bilan xayrlashishga qat’iy qaror qilgan va yangi mavsumda unga umid qilmayapti.
Ansu Fatining "Barselona" bilan shartnomasi 2027 yilning yoziga qadar mo‘ljallangan bo‘lib, uning transfer narxi Transfermarkt talqiniga ko‘ra 5 mln yevroni tashkil etadi.
