"Барселона" ҳужумчи Ансу Фатига оид режаларини аниқлаб олди. Испаниялик футболчини "Монако" ўз сафига қўшиб олмоқчи эди, бироқ музокаралар боши берк кўчага кириб қолди ва бутунлай барбод бўлиш арафасида. Бироқ, Marca хабарига кўра, "Барселона"нинг фикрича, трансфер ҳали амалга ошиши мумкин - ой охиригача янги музокаралар бўлиб ўтади. Агар Фати "Монако"га бормаса, унга бошқа клуб топилади, дейди манба. "Кўк-анорранглилар" раҳбарияти футболчи билан хайрлашишга қатъий қарор қилган ва янги мавсумда унга умид қилмаяпти.
Ансу Фатининг "Барселона" билан шартномаси 2027 йилнинг ёзига қадар мўлжалланган бўлиб, унинг трансфер нархи Transfermarkt талқинига кўра 5 млн еврони ташкил этади.
