"Manchester Siti" bosh murabbiyi Pep Gvardiola yangi mavsum boshlanishidan oldin tarkibni qisqartirishini ma’lum qildi. Ispaniyalik mutaxassisning so‘zlariga ko‘ra, uning futbolchilardan e’tirozi yo‘q, ammo tarkibning juda keng bo‘lishi rotasiya bilan bog‘liq muammolarni keltirib chiqarmoqda.
"Hozir o‘zimizdagi barcha futbolchilarni butun mavsum davomida saqlab qolishdan xursand bo‘lardim.
Ular haqida hech qanday shikoyatim yo‘q - ular professional va yaxshi ishlaydi. Lekin 26 yoki 27 futbolchi juda ko‘p.
Bunday holda, kimdir doimiy ravishda qaydnomadan tashqarida bo‘ladi va buning natijasida norozilik va umidsizlik paydo bo‘ladi.
Men futbolchilarim baxtsiz bo‘lishini istamayman", deya Gvardiolaning so‘zlarini keltiradi ESPN.













