"Манчестер Сити" бош мураббийи Пеп Гвардиола янги мавсум бошланишидан олдин таркибни қисқартиришини маълум қилди. Испаниялик мутахассиснинг сўзларига кўра, унинг футболчилардан эътирози йўқ, аммо таркибнинг жуда кенг бўлиши ротация билан боғлиқ муаммоларни келтириб чиқармоқда.
"Ҳозир ўзимиздаги барча футболчиларни бутун мавсум давомида сақлаб қолишдан хурсанд бўлардим.
Улар ҳақида ҳеч қандай шикоятим йўқ - улар профессионал ва яхши ишлайди. Лекин 26 ёки 27 футболчи жуда кўп.
Бундай ҳолда, кимдир доимий равишда қайдномадан ташқарида бўлади ва бунинг натижасида норозилик ва умидсизлик пайдо бўлади.
Мен футболчиларим бахтсиз бўлишини истамайман", дея Гвардиоланинг сўзларини келтиради ESPN.
