"Barselona" "Atletik" vingeri Niko Uilyams bilan jiddiy muzokaralar olib bormoqda. Darvoqe, "Bavariya" 22 yoshli futbolchi uchun kurashdan hali to‘liq chiqmagan. L’Equipe nashri tarqatgan xabarga ko‘ra myunxenliklar Uilyamsni o‘z safiga qo‘shib olish uchun so‘nggi urinishni amalga oshirdi. Bundesliga grandi Nikoga mavsum uchun "sof" 10 million yevro va 2 million bonus taklif qildi.
Agar Uilyams "Bavariya"ga "ha" desa, unda myunxenliklarga "Atletik" bilan kelishishi shart emas, chunki futbolchining shartnomasida uni 58 million yevroga sotib olish imkoniyati ko‘rsatilgan.
Qayd etilishicha, myunxenliklar "PSJ" a’zosi Bredli Barkolaga ham ko‘z tikishgan, ammo bu futbolchini o‘z safiga qo‘shib olish deyarli imkonsiz ekanini tushunishgan. Avvalroq, "Bavariya" Florian Virsga uchun poygada mag‘lub bo‘lgandi.













