"Барселона" "Атлетик" вингери Нико Уильямс билан жиддий музокаралар олиб бормоқда. Дарвоқе, "Бавария" 22 ёшли футболчи учун курашдан ҳали тўлиқ чиқмаган. L’Equipe нашри тарқатган хабарга кўра мюнхенликлар Уильямсни ўз сафига қўшиб олиш учун сўнгги уринишни амалга оширди. Бундеслига гранди Никога мавсум учун "соф" 10 миллион евро ва 2 миллион бонус таклиф қилди.
Агар Уильямс "Бавария"га "ҳа" деса, унда мюнхенликларга "Атлетик" билан келишиши шарт эмас, чунки футболчининг шартномасида уни 58 миллион еврога сотиб олиш имконияти кўрсатилган.
Қайд этилишича, мюнхенликлар "ПСЖ" аъзоси Брэдли Барколага ҳам кўз тикишган, аммо бу футболчини ўз сафига қўшиб олиш деярли имконсиз эканини тушунишган. Аввалроқ, "Бавария" Флориан Вирцга учун пойгада мағлуб бўлганди.
