Turkmaniston poytaxti Ashxobodda 8, 10 va 12 yoshli bolalar o‘rtasida shaxmat bo‘yicha o‘tkazilgan xalqaro turnirda O‘zbekiston terma jamoasi umumjamoa hisobida 2-o‘rinni egalladi.

Yevropa va Osiyoning 11 davlatidan 129 nafar iqtidorli yosh shaxmatchilar ishtirok etgan turnirda O‘zbekiston terma jamoasi  a’zolari rapid va blis yo‘nalishlarida 4 ta oltin va 3 ta kumush medalga sazovor bo‘ldi.

O‘tkazilgan o‘yinlar sarhisobiga ko‘ra, Turkmaniston terma jamoasi 1-o‘rinni, Qozog‘iston vakillari 3-o‘rinni egalladi.

G‘olib va sovrindorlarga Turkmaniston Milliy yetakchisi Gurbanguli Berdimuhamedov nomidagi xayriya jamg‘armasi sovg‘alari tantanali topshirildi.