"PSJ"dan ijaraga olingan "Yuventus" hujumchisi Randal Kolo-Muani Turin klubida faoliyatini davom ettirish istagi borligini ma’lum qildi.
Fransuzning ijarasi klublar o‘rtasidagi jahon chempionati yakunlanganidan so‘ng yakunlanadi, ammo klub allaqachon futbolchini o‘z safida saqlab qolish ustida ishlamoqda. Hujumchining o‘zi ham qolish istagini yashirmayapti.
"Men "Yuventus"da qolishni istayman, bunga hech qanday shubham yo‘q," - dedi 26 yoshli futbolchi TuttoSport nashriga bergan intervyusida.













