Fransiyaning "PSJ" klubi laterali Ashraf Hakimiy klublar o‘rtasidagi JCH - 2025 guruh bosqichi 3-turidan o‘rin olgan "Sietl"ga qarshi o‘yindan so‘ng jurnalistlar bilan suhbatlashdi. Unda parijliklar 2:0 hisobida g‘alaba qozonib, pley-off bosqichiga yo‘l oldi.
"Oddiy o‘yinlar bo‘lmaydi. Bilamiz, keyingi har bir bahs yanada og‘ir kechadi. Biz konsentrasiyani oxirigacha saqlab qolishimiz kerak. Jamoa xarakter ko‘rsatib, g‘alaba qozondi. Charchoq sezilmoqda, lekin biz baribir o‘ynashga tayyormiz. Hozir dam olamiz va ishlashda davom etamiz," - deya himoyachining so‘zlarini keltiradi RMC Sport.
"PSJ" 1/8 finalda Lionel Messining "Inter Mayami" klubiga qarshi bahs olib boradi.
