Франциянинг "ПСЖ" клуби латерали Ашраф Ҳакимий клублар ўртасидаги ЖЧ - 2025 гуруҳ босқичи 3-туридан ўрин олган "Сиэтл"га қарши ўйиндан сўнг журналистлар билан суҳбатлашди. Унда парижликлар 2:0 ҳисобида ғалаба қозониб, плей-офф босқичига йўл олди.
"Оддий ўйинлар бўлмайди. Биламиз, кейинги ҳар бир баҳс янада оғир кечади. Биз концентрацияни охиригача сақлаб қолишимиз керак. Жамоа характер кўрсатиб, ғалаба қозонди. Чарчоқ сезилмоқда, лекин биз барибир ўйнашга тайёрмиз. Ҳозир дам оламиз ва ишлашда давом этамиз," - дея ҳимоячининг сўзларини келтиради RMC Sport.
"ПСЖ" 1/8 финалда Лионель Мессининг "Интер Майами" клубига қарши баҳс олиб боради.
