"Napoli"ning yangi a’zosi Kevin de Bryuyne Italiyaning boshqa klubiga o‘tishi mumkin edi.
"Manchester Siti" belgiyalik futbolchi bilan shartnomani uzaytirmaslikka qaror qildi. Futbolchi ketishini bahordayoq e’lon qilgan va o‘shandan beri OAVda yulduz yarim himoyachiga turli klublardan qiziqish borligi haqida muntazam ravishda turli mish-mishlar tarqalgan. The Athletic nashrining yozishicha, da’vogarlar orasida "Yuventus" ham bor edi. Turinliklar vakillari futbolchi "Napoli" bilan kelishuvga erishmasidan avvalroq u bilan dastlabki muzokaralarni o‘tkazgan.
Kevin de Bryuyne o‘n yil davomida "Manchester Siti" sharafini himoya qilgan va "shaharliklar" safida jami 400 dan ortiq o‘yin o‘tkazgan.













