Ispaniyada terma jamoa hujumchisi Alvaro Morata va uning oilasiga tahdid qilgan 19 yoshli muxlis qo‘lga olindi.
Bu haqda Marca nashri xabar bermoqda. Voqea Millatlar ligasi doirasidagi Ispaniya va Portugaliya terma jamoalari o‘rtasidagi o‘yindan so‘ng yuz bergan. Morata 11 metrlik nuqtadan berilgan zarbalardan birini golga aylantira olmadi, shundan so‘ng ijtimoiy tarmoqlarda unga tahdidlar yog‘ila boshladi.
Foydalanuvchilardan biri o‘yinchi va uning yaqinlariga tahdidlar bilan xabar qoldirgan. Ko‘p o‘tmay uning o‘zi polisiya bo‘limiga kelib, akkaunti buzib kirilganini aytgan. Biroq bu versiya o‘z tasdig‘ini topmadi.
Yigitga nisbatan "Qo‘rqitish va yolg‘on axborot tarqatish" moddasi bilan jinoyat ishi qo‘zg‘atilgan.
