"Sport Resifi" tayanch yarim himoyachisi Ze Lukas faoliyatini "Barselona"da davom ettirishi mumkin. Bu haqda jurnalist Xose Feliks Dias xabar bermoqda.
Manbaga ko‘ra, "ko‘k-anorranglilar" Braziliyada eng istiqbolli futbolchilardan biri sanalgan 17 yoshli xavbek transferi bo‘yicha jiddiy muzokaralar olib bormoqda. Tomonlar tez orada bitimni yopishi kutilmoqda.
2025 yilda Ze Lukas barcha musobaqalarda 17 ta o‘yinda maydonga tushdi, ammo samarali harakat qilmadi. Transfermarkt ekspertlari futbolchining narxini uch million yevroga baholamoqda.
