David Alaba, ehtimol, "Real"dagi so‘nggi mavsumini o‘tkazadi.
24 iyunda 33 yoshga to‘lgan avstriyalik himoyachining shartnomasi kelasi yili tugaydi.
AS nashri xabar berishicha, "Real" unga shartnomani uzaytirishni taklif etmaydi. Alaba jamoaning eng yuqori maosh oluvchi futbolchilaridan biri hisoblanadi - mavsumiga 19,5 million yevro.
Ma’lum qilinishicha, David jamoada joriy mavsum Antonio Ryudiger, Din Xeysen, Eder Militao va Raul Asensiodan keyin beshinchi markaziy himoyachiga aylanadi.
Bundan tashqari, tizza jarohati va keyingi jarrohlik amaliyoti uning avvalgi darajasiga qaytishiga to‘sqinlik qilmoqda. Himoyachiga to‘laqonli o‘yinga qaytishi uchun hali ham vaqt kerak bo‘ladi.
