"Monako" "Barselona" hujumchisi Ansu Fati bilan shartnoma imzolaydi. Ispaniyalik o‘yin amaliyoti kam bo‘lishiga qaramay, anchadan beri "blaugranalar" safini tark etishdan bosh tortgan.
Endi 22 yoshli futbolchi ketishga juda yaqin turibdi. "Monako" forvardni ijaraga olishga rozi bo‘ldi, shartnomada sotib olish varianti ham bo‘ladi. Jurnalist Karlos Monfortning fikricha, muzokaralarda asosiy rolni monegasklar bosh murabbiyi Adi Xyutter o‘ynagan.
Avstriyalik mutaxassisning shaxsan o‘zi Fatiga qo‘ng‘iroq qilib, futbol haqidagi tasavvurlari va klub loyihasi haqida gapirib berdi.
