"Монако" "Барселона" ҳужумчиси Ансу Фати билан шартнома имзолайди. Испаниялик ўйин амалиёти кам бўлишига қарамай, анчадан бери "блауграналар" сафини тарк этишдан бош тортган.
Энди 22 ёшли футболчи кетишга жуда яқин турибди. "Монако" форвардни ижарага олишга рози бўлди, шартномада сотиб олиш варианти ҳам бўлади. Журналист Карлос Монфортнинг фикрича, музокараларда асосий ролни монегасклар бош мураббийи Ади Хюттер ўйнаган.
Австриялик мутахассиснинг шахсан ўзи Фатига қўнғироқ қилиб, футбол ҳақидаги тасаввурлари ва клуб лойиҳаси ҳақида гапириб берди.
