Madridning "Real" klubi klublar o‘rtasidagi jahon chempionati guruh bosqichining so‘nggi turidan o‘rin olgan "Red Bull Zalsburg"ga qarshi bahsga tayyorgarlik ko‘rmoqda.

Uchrashuv juma kuni bo‘lib o‘tadi, uning boshlanishi Toshkent vaqti bilan soat 06:00 ga belgilangan. Marca xabariga ko‘ra, yaqinda jarohatini davolagan Antonio Ryudiger hali boshlang‘ich tarkibda maydonga tushishga tayyor emas, shuning uchun "qaymoqranglilar" himoyasi markazida Din Xyoysenga Orelyen Tchuameni yordam beradi. Eslatib o‘tamiz, Raul Asensio diskvalifikasiya qilindi - "Pachuka"ga qarshi o‘tgan bahsda u to‘g‘ridan-to‘g‘ri qizil kartochka olgandi.

Avvalroq Xabi Alonso nominal yarim himoyachi Tchuamenini himoya markazida o‘ynatishni istamagani haqida xabarlar tarqalgandi, biroq hozirgi vaziyatda bosh murabbiy uchun boshqa yo‘l yo‘q.