"Inter" yarim himoyachisi Hoqon Chalxano‘g‘li lazaretga tushib qoldi. Milan klubi matbuot xizmati xabariga ko‘ra, 31 yoshli futbolchi MRT tekshiruvidan o‘tgan. Chalxono‘g‘lining o‘ng oyog‘i muskulining cho‘zilishi aniqlandi. Turkiyalik xavbekning tiklanish muddati ma’lum qilinmayapti.
Aytish joizki, so‘nggi paytlarda matbuot Xoqon Chalxano‘g‘lini "Galatasaroy" bilan faol bog‘lamoqda. Xavbekning "Inter" bilan amaldagi shartnomasi yana ikki mavsumga - 2027 yilning yarmigacha mo‘ljallangan.













