Klublar o‘rtasidagi jahon chempionati guruh bosqichi doirasida kechgan bahsda "Borussiya" minimal hisobda Koreyaning "Ulsan" jamoasini mag‘lub etdi - 1:0. Ushbu o‘yin haqida "asalarilar" ustozi Niko Kovach o‘z fikrlari bilan o‘rtoqlashdi.
"Biz pley-offga chiqishga intildik va buni uddaladik. Birinchi o‘rinni olganimizdan mamnunmiz. Uchrashuvning birinchi yarmida yaxshi harakat qildik. Tanaffusdan so‘ng, jamoa o‘yinni nazorat ostida ushlab turdi. "Borussiya" va "Fluminense" haqli ravishda keyingi bosqichga yo‘l oldi," - deya murabbiyning so‘zlarini keltiradi FIFA matbuot xizmati.













