Клублар ўртасидаги жаҳон чемпионати гуруҳ босқичи доирасида кечган баҳсда "Боруссия" минимал ҳисобда Кореянинг "Ульсан" жамоасини мағлуб этди - 1:0. Ушбу ўйин ҳақида "асаларилар" устози Нико Ковач ўз фикрлари билан ўртоқлашди.
"Биз плей-оффга чиқишга интилдик ва буни уддаладик. Биринчи ўринни олганимиздан мамнунмиз. Учрашувнинг биринчи ярмида яхши ҳаракат қилдик. Танаффусдан сўнг, жамоа ўйинни назорат остида ушлаб турди. "Боруссия" ва "Флуминенсе" ҳақли равишда кейинги босқичга йўл олди," - дея мураббийнинг сўзларини келтиради ФИФА матбуот хизмати.













