Germaniya terma jamoasi forvardi Nik Voltemadega "Real" qiziqish bildirmoqda.
"Madrid" yozda U21 va U19 Yevropa chempionatlarida to‘rt nafar futbolchining o‘yinini kuzatib bormoqda.
"Madrid" qiziqish bildirgan futbolchilar orasida "Shtutgart" va Germaniya yoshlar terma jamoasi forvardi Voltemade, "Valensiya" va Ispaniya U21 himoyachisi Kristian Moskera, AZ va Niderlandiya U19 yarimhimoyachisi Kes Smit, shuningdek, "RB Leypsig" va Fransiya U21 himoyachisi Kastello Lukeba bor, deb yozadi Marca.
Get German Football News nashrining Bild nashriga tayanib xabar berishicha, "Shtutgart" Voltemadeni 60 million yevroga baholamoqda. Germaniya terma jamoasida o‘ynagan futbolchiga "Bavariya" ham da’vogarlik qilmoqda.
Voltemade Bundesliganing 28 o‘yinida 12 ta gol urdi - u jamoaning ikkinchi to‘purari. Yoshlar o‘rtasidagi Yevroda 23 yoshli germaniyalik futbolchi 4 o‘yinda 6 ta gol va 3 ta golli uzatmani amalga oshirdi.













