"PSJ" hozirda "Lion"ga yordam berish uchun Bredli Barkolya uchun barcha summani to‘ladi.
Avvalroq, Milliy nazorat va boshqaruv direksiyasi (DNCG) moliyaviy muammolar tufayli klubni Fransiyaning ikkinchi divizioniga o‘tkazishga qaror qilgani ma’lum bo‘lgandi.
RMC Sport xabariga ko‘ra, "PSJ" "Lion"ga yordam berishga qaror qilgan va hozirdanoq Bredli Barkolyaning transfer summasini to‘liq to‘lab qo‘ygan. Fransiyalik forvard Parij klubiga 2023 yilning yozida 45+5 mln yevro evaziga o‘tgandi.
Ta’kidlanishicha, "PSJ" "Lion"ni faktoring orqali qo‘llab-quvvatlab, oldindan mablag‘ ajratgan. Bu "Lion"ga DNCG oldidagi moliyaviy ko‘rsatkichlarini yaxshilash imkonini berdi. Bitim summasi hali e’lon qilinmagan.













