"ПСЖ" ҳозирда "Лион"га ёрдам бериш учун Брэдли Барколя учун барча суммани тўлади.
Аввалроқ, Миллий назорат ва бошқарув дирекцияси (DNCG) молиявий муаммолар туфайли клубни Франциянинг иккинчи дивизионига ўтказишга қарор қилгани маълум бўлганди.
RMC Sport хабарига кўра, "ПСЖ" "Лион"га ёрдам беришга қарор қилган ва ҳозирданоқ Брэдли Барколянинг трансфер суммасини тўлиқ тўлаб қўйган. Франциялик форвард Париж клубига 2023 йилнинг ёзида 45+5 млн евро эвазига ўтганди.
Таъкидланишича, "ПСЖ" "Лион"ни факторинг орқали қўллаб-қувватлаб, олдиндан маблағ ажратган. Бу "Лион"га DNCG олдидаги молиявий кўрсаткичларини яхшилаш имконини берди. Битим суммаси ҳали эълон қилинмаган.
