Braziliya terma jamoasining bosh murabbiyi Karlo Anchelotti 2026 yilgi jahon chempionatida Neymar jamoada hal qiluvchi rol o‘ynashini ma’lum qildi.

"Men haqiqatan ham u bilan suhbatlashdim. Neymar terma jamoamiz va jahon chempionati uchun muhim o‘yinchi. Uning tayyorgarlik ko‘rishi uchun vaqti bor va biz uni Braziliyaning asosiy futbolchisiga aylantirishning yo‘llarini bilamiz.

O‘ninchi raqamga kelsak, bu Braziliya uchun ahamiyatli raqam va u boshqa futbolchiga berilishi mumkin, chunki jamoamizda uni taqish huquqiga loyiq ko‘plab o‘yinchilar mavjud," - deya Anchelottining so‘zlarini Ge Globo keltiradi.

Qaytganidan so‘ng hujumchi "Santos" safida 14 ta o‘yinda ishtirok etib, 3 ta gol urdi va 3 ta golli uzatmani amalga oshirdi.